para kay sir monico

inisip ko na hindi ito totoo... dahil ayokong maniwala, ayokong maging totoo...

nabasa ko sa bulletin ng friendster ko noong isang taon na may malubhang sakit si sir monico atienza, pangulo ng First Quarter Storm Movement at isang pinagpipitagang guro ng Araling Pilipino sa Unibersidad ng Pilipinas. ni-repost ko ito dahil nangangailangan siya ng malaking tulong pinansyal para sa kaniyang pagpapagamot. nagtanong ako sa ilang kakilala pero hindi rin daw nila sigurado ang totoong lagay ng guro. pero naaalala ko, si greg ang nagpost nito - si greg na hari ng ipis at asteeg na tibak kaya malamang ay totoo ito.

lumipas ang panahon... hanggang sa noong ika-28 ng Setyembre ngayong taon, napag-alaman ko ang kasalukuyan niyang kalagayan sa pamamagitan ng palabas ni Jessica Soho sa GMA 7. Comatose na pala siya - nakakadilat pa pero wala nang malay at hindi na makakilos - tila na siya isang gulay. Buto't balat na rin ang kaniyang pangangatawan; humihinga sa butas sa kaniyang lalamunan at kumakain sa pamamagitan ng tubong nakakonekta sa kaniyang bituka.

sa isang iglap ay nagkaganoon siya. dahil sa atake sa puso, nawalan ng oxygen sa utak sa loob ng 15 minutes. bukod pa roon ay huli na rin nang napag-alamang kumalat na ang kaniyang cancer sa lalamunan.

hindi ko napigilang lumuha sa mga unang sandali palang na nakita ko siya. unang-una, hindi handa ang sarili ko, hindi ko alam na isa siya sa mga subjects. nakita ko lang bago mag-commercial break na ang susunod na segment at tungkol sa mga naka-comatose. pero nung ipinakita na sa ang mga tibak noong 70s na sumisigaw sa mendiola, kinutuban na ko... si sir monico yata ito - at siya nga.

naluha rin ako dahil isa siyang dakilang tao para igupo lamang ng sakit. hindi, hindi siya ang sir monico na naging guro ko... yun na lamang ang iniisip ko pero wala namang saysay ang pag-deny. kailangang tanggapin ang katotohan ganoon na ang kaniyang kalagayan. bakit kasi hindi na lang yung mga taong tulad ni GMA ang nacomatose? o kaya si Abalos? o kaya si de Venecia? at kung sinu-sinong pang alipores niya at mga taong naknakan ng sama ang budhi...

oh well...

pero, alam ko, sa kabila ng kaniyang kalagayan, buhay na buhay pa rin ang kaniyang presensiya, ala-ala at mga pangaral lalo na sa aming mga estudyante. Tunay siyang makabayan sa puso't isipan. Bawat salita niya ay talaga namang may laman, makabuluhan. Naaalala ko, sabi niya, positibo akong tumingin e, patungkol sa posisyon niya sa kabanihan ni Rizal. Positibo nga talaga siyang tumingin, isang siyang enlightening na tao.

alam kong hindi sapat ang kung anumang maisusulat ko ngayon upang magpugay para kay Sir Monico o kay "Ka Togs" para sa mga kasamahan niya sa 1st Quarter Storm movement. haaaayzzz...

basta, sir monico, maraming salamat sa iyo at isang mapagpalayang paglalakbay!

--> Ganito ko gustong maalala si Sir Monico - maganda ang pangangatawan, pa-speech-speech at tumatakbo-takbo kasama ng sangkatibakan... ;-)

wirdo

(ajit mode)

weird... weird talaga...

di ko na mapigilan ang sarili kong hindi magcomment sa kachorvahan ng Malacañang. Itigil na raw ang pamumulitika at anumang tangka para impeachment laban kay GMA (na diumano ay pangulo ng Pilipinas ngayon). Ganito ang bato ng mga loyalista ng "pangulo" sa pagharap sa isyu ng "hello garci" sa senado at bagong impeachment complaint (yes, na naman) sa kongreso buhat ng ZTE scandal.

at bakit daw?

masasayang lang daw ang oras ng mga mambabatas (as if makabuluhan ang iba nilang ginagawa) sa pagtuon sa mga isyung ito. ibaling na lang daw natin ang atensyon natin sa mga higit na importanteng bagay tulad ng paggawa ng mga programa at proyektong magpapaunlad sa bansa. ibig sabihin, keber na lang kung nandaya lang naman siya sa eleksyon, keber na lang kung sangkot na naman siya sa iskandalo ngayong inaprubahan nila ni neri, keber na lang kung wala siyang anumang ginawa kahit na alam niyang nanuhol ang kaniyang magiting na COMELEC commissioner (na sa 'di ko maintindihan dahilan ay involved sa nasabing transaksayong nabanggit dahil isa siyang COMELEC commissioner, COMELEC commissioner, COMELEC commissioner! - DI KO TALAGA MA-GETS!) ng 200M kay Neri upang maaprubahan ang kontrata ng Tsina at P'nas na may kinalaman sa IT (uulitin ko IT), at lalong keber lang kung karamihan ay sinusuka na siya at ang kaniyang administrasyon. ang mahalaga daw ay umuunlad ang bansa natin ayon sa kung anek-anek na indices at magiging 1st class na tayo pagdating ng 2020 (huh?).

weird di ba? weird talaga...

bakit?

una, kung ikaw ay matinong tao at walang ginagawang mali, hindi ka dapat matakot o mabahala sa anumang ligal na tangkang ilubog ang iyong administrasyon, o dignidad o pagkatao man lang, dahil alam mong malinis ang iyong konsensiya at magtatagumpay sa bandang huli. hindi ba't tila pag-amin na rin sa kasalanan ang tahasang pagsabi na huwag nang asikasuhin ang mga pagdinig sa mga maanumalyang isyung kinasasangkutan mo kesyo marami pang ibang mas importanteng kailangan gawin at tugunan. patunay lamang taktika lamang nila ang ganitong pagmamaganda upang iligaw ang ating atensyon at kalimutan na ang kaniyang mga dumi.

ikalawa, hindi ba't napakahalagang malaman ang katotohan sa likod ng mga isyung ito dahil boto at kaban ng bayan ang nakataya dito? naniniwala ako na sa isang demokrasya, sagrado ang boto ng mga tao dahil sa pamamagitan nito ay nakakalahok siya sa pamamahala ng bansa. isang kalapastangan ang nakawin kahit sa isa mang boto. kung mapatanuyan na si GMA ay gumawa ng milagro noong 2004 elections (na malamang naman sa hindi ay nandaya nga siya), wala siya, ni katiting na karapatang umupo sa kinasasadlakan niya ngayon.

kaugnay nito, sino ba ang totohanang nagbabayad ng buwis na siyang sasagasaan ng ZTE contract? hindi ba't ang mga karaniwang manggagawang Pilipino? ang mga guro na nagsasakrispisyo ng buhay tuwing eleksyon? ang mga factory workers na kakarampot ang sweldo? ako man, ang laki ng kinakaltas sa aking tax pero anong ginagawa nila sa pera natin? nilulustay lang habang marami pa rin ang palaboy na walang matitirhan at namamatay sa gutom, habang marami pa rin ang walang pambili ng gamot at pambayad sa hospital, habang marami pa rin ang hindi makapag-aral dahil sa mahal ng edukasyon ngayon. ngayon, hindi ba mahalagang maparusahan ang lahat ng sangkot sa ZTE chorvaness na 'yan? at pati na rin sa fertilizer scandal? at kung anek-anek pa?

panghuli, kung totoo man (at naniniwala akong totoo) na nandaya siya sa eleksyon at sangkot siya sa ZTE, hindi na dapat siya manungkulan dahil hindi (at hinding-hindi) siya dapat pagkatiwalaang maglingkod. paano tayo makakasiguradong ginagawa niya ang kaniyang tungkuling paunlarin ang bansa kung ganoon ang kaniyang gawa? baka bulsa na lang niya at ng kaniyang pamilya at mga sipsip na tuta niya.

pero, sige kung talagang ayaw niya ay huwag siyang bumaba sa pwesto niya. tutal naman, ang gusto lang talagang sabihin ni GMA ay tantanan na siya dahil hinding-hindi naman siya bababa kahit anuman pa man ang gawin ng kung sinuman. matigas ang mukha niya e. for that, huwag na nga siyang bumaba kahit kailan at ibitin na niya ang sarili niya sa kisame ng Malakanyang (yun ay kung maabot niya yon)... so bad of me :P syempre joke lang ito!

sa totoo, naniniwala pa rin ako sa karma...
naniniwala pa rin ako sa karma...
naniniwala pa rin ako sa karma...

good news?

dati, pangarap kong pumayat...

at pumayat nga ako lalo na nung nanganak ako kay Zyric. for that, ginusto ko namang tumaba at nahirapan ako lalo na't nag kulit-kulit (to the highest level) ng alaga ko tapos stressed pa sa trabaho. buti na lang meron P150 na OT meal kaya dun ko binawi - sa paglamon.

ang resulta? hindi ko alam kung matutuwa ako pero parang tumataba na nga yata ako. tila humihigpit na ang mga pantalon kong nagsiluwagan na dati. haaayzzz... hindi ko na yata kailangang mag-belt. kaso, parang tiyan ko lang ang tumataba :P huwag naman sanang ganito, proportionate naman sana ang maging pagtaba ko.

ciao!