Minsan, ako'y may tula. choz!

Pagpapalaya

Paano kung wala na ang magic,

Sa isang click, isang pitik?

Itatapon lang ba,

Ang mga panahong masaya,

Dahil sa isang katangahan,

Isang kabalintunaan?

Paano kung wala na ang kilig,

Ang pintig,

Ng pusong minsang umibig,

Nang masidihi at walang patid?

Pagpapatawad ba’y,

Walang lugar at ugnay,

Sa iyong abalang buhay?

Lumaya na tayo

Mula sa gapos nang mabibigat ng tagpo

Sa mundong hindi sumasang-ayon

Sa mga panahong

Iginugol sa pagdaong

Sa kani-kaniyang pundahan

Tama na,

Lipad na.